馬國明多年嚟乖仔又孝順嘅形象入晒屋,雖然唔少人爆料指佢真人又毒又悶仲係個守財奴,但勝在老實又專一,所以依然係唔少人嘅荀盤男神。但自日前「安心事件」偷食事件發生之後,網友就不斷改圖恥笑佢。其改圖嘅密度多到連連登仔都睇唔過眼,開post問大家:「馬明無論樣同性格都好,唔通真係永遠受傷害的總是毒男?」

網友係連登開post度表示,馬國明明明係受害者,但點解全港市民不斷咁抽佢水,抽到好似佢係偷食果個咁樣。而且最重要係,馬國明一直多年來忠心耿耿咁為TVB工作,平時連獎都冇得攞,就算攞都係得啲豬肉獎,但出事之後第一個搞佢老母嘅就係自己東家?

該貼文惹起唔少同為「毒男」嘅網友認同兼討論,普遍網民認為馬明身處娛圈多年,但都係得幾單花邊新聞,足以證明佢唔係一個亂搞嘅藝人。但出事後,真正關心佢嘅人反而冇幾個,反而上至公司效忠多年嘅TVB,第一時間衝去佢屋企樓下截佢最疼愛嘅家人。中至唔同品牌嘅公司PR,例如Playstation推出綠色手制抽水。下至全香港市民,每個人都將佢嘅痛變成茶餘飯後嘅話題。

似乎好似全港都唔記得咗佢係事件中其中一個最大嘅受害者,而且明明溝到女朋友,點知黃心穎其實都係港女搵毒撚埋單再派帽嘅表表者。 

source:lihkg